ក្រុមអ្នកវិទ្យាសាស្ត្រ បានរកឃើញលោហៈមានតម្លៃ ក្នុងប្រភពទឹកនៃតំបន់ភ្នំភ្លើងសកម្ម នៅកោះភាគខាងជើង នៃប្រទេសនូវែលហ្សេឡង់។ ពួកគេបានឲ្យដឹងថា កម្ដៅដ៏ក្ដៅ និងសារធាតុគីមីក្នុងទឹកក្ដៅក្បែរតំបន់ភ្នំភ្លើង Taupo ធ្វើឲ្យសិលាម៉ាក់ម៉ា ថ្មនៅក្បែរតំបន់ភ្នំភ្លើងរលាយចុះក្នុងផ្ទៃទឹក ។ បាតុភូតនេះបានបង្កើតឲ្យទឹក Acidic ក្ដៅនៅតំបន់នោះ មានផ្ទុកលោហធាតុមានតម្លៃមកបង្គរលើគ្នា ដូចជាលោហៈ មាស និងប្រាក់ជាដើម។ ភូគព្ភវិទូបានរកឃើញប្រភពទឹកចំនួន ១៨កន្លែង ដែលមានផ្ទុកនូវលោហៈធាតុមានតម្លៃ។ ពួកគេបានប៉ាន់ស្មានថា ការខួងទៅក្នុងប្រភពទឹកក្រោមដី នៃតំបន់ស្ថានីយថាមពលកម្ដៅក្នុងដី Rotokawa ក្នុងមួយឆ្នាំ អាចផ្ដល់លោហៈមាសតម្លៃប្រហែល២,៧ លានដុល្លារ។ ចំណែកនៅស្ថានីយ Mokai អាចផ្ដល់ជាលោហៈប្រាក់បានប្រាំបីតោនក្នុងមួយឆ្នាំ មានតម្លៃប្រហែល៣,៦ លានដុល្លារ ។ លោក Stuart Simmons ភូគព្ភវិទូនៃសាកលវិទ្យាល័យ Utah និងក្រុមការងារ ពីសាកលវិទ្យាល័យ Auckland ដែលបានស្រាវជ្រាវរកឃើញលោហៈធាតុមានតម្លៃក្នុងប្រភពទឹកនៃតំបន់ ភ្លើងនោះ បានផ្ដល់យោបល់ឲ្យមានការទៅលើអភិវឌ្ឍថ្មីលើបច្ចេកវិទ្យានៃ ការខួងទាញយកលោហៈមានតម្លៃទាំងនោះដោយមិនឲ្យប៉ះពាល់ដំណើរការ វិវដ្ដរបស់វា និងផលិតកម្មថាមពលផងដែរ។ សម្រាប់តំបន់ប្រភពទឹក ដូចជាបឹង Taupo នៅកោះភាគខាងជើង នៃប្រទេសនូវែលហ្សេឡង់ ជាផ្នែកនៃតំបន់ភ្នំភ្លើងដែលសកម្ម អស់រយៈពេលជិត ៣សែនឆ្នាំមកហើយ
។ ប្រភព: sabay.com.kh
